The evolution of a profession.

Die begrip professie het ontstaan toe geneeshere, prokureurs, onderwysers en ander geleerdes in die kerkdiens georden moes wees. Hulle het bely (profess) voordat hulle die besondere diens kon lewer. Later het sekulêre groepe vir die verskillende beroepe ontstaan in die vorm van gildes, gevolg deur kwalifiserende verenigings in die 19de eeu. Uit hierdie organisasies het die kern konsepte ontwikkel wat as kriteria vir professionalisme dien. Die opvatting dat universiteitsopieiding en privaatpraktyk kriteria vir professionalisme is, het eers later ontstaan en is ongeldig in die lig van bogenoemde. In Suid-Afrika voldoen verpleging aan die kriteria vir professionalisme. Dit beteken egter nie dat elke verpleegkundige se optrede professioneel is nie. Baie aanvaar nie hulle professionele verantwoordelikhede, soos verantwoordbaarheid vir hulle eie optrede nie. Die funksionele taaktoewysing wat in baie hospitale steeds voortbestaan negeer ook die professionele model. Die verpleegkundige moet aangemoedig word om professioneel te wees in die wyse waarop sy haar rol vertolk en die beeld wat sy voorhou.